13 май 06:22
Янгиликлар

Бокс/ММА

Фазлиддин Ғоибназаров АҚШда тўртинчи жангини ўтказди

Бундан бир неча дақиқа аввал Рио Олимпиадаси чемпиони Фазлиддин Ғоибназаров профессионал боксдаги тўртинчи жангини ўтказади.

Ушбу жангда чарм қўлқоп устамизга мексикалик Хесус Силвейра рақиблик қилди. Саккиз раунддан иборат жанг тенг ярмига келганида якунланди. Тўртинчи раундда Фазлининг чап қўлда қисқа масофадан берган аниқ ва кучли зарбасидан сўнг мексикалик боксчи нокаутга учради.

Маълумот учун, Фазлиддин Ғоибназаров проф рингдаги тўртинчи ғалабасини нишонлади. Нокаутлар сони иккитага етди. Унинг рақиби Хесус Силвейра эса бугунгиси билан қўшиб ҳисоблаганда 16та жанг ўтказган. Шуларнинг 8тасида ғалаба қозонган (3таси нокаут билан). Бугунги олтинчи мағлубиятини қаршилади. Яна иккита жангда дуранг қайд этилган.