16 дек 19:45
Янгиликлар

Бокс/ММА

Фазлиддин Ғоибназаров иштирокидаги жанг бир ярим дақиқа давом этди

Рио Олимпиадаси чемпиони Фазлиддин Ғоибназаров проф боксдаги тўққизинчи жангини ўтказди.

Чарм қўлқоп устамиз Қозоғистоннинг Алмати шаҳрида ташкил этилаётган профессионал бокс кечасида рингга кўтарилди. Жанг бир ярим дақиқа давом этди. Ҳамюртимиз украиналик Владислав Барановни жигар қисмига берган кучли ва аниқ зарбаси эвазига техник нокаутга учратди.

24 ёшли Баранов бугун проф рингда 14-жангини ўтказди ва олтинчи мағлубиятини қабул қилиб олди. Бу унинг илк нокаути эди. Ҳисобида 6 та ғалаба ва 2 та дуранг натижа ҳам бор. Тўртта жангда рақибларини нокаутга учратган.

Фазлиддин Ғоибназаров эса бугун тўққизинчи жангидаги саккизинчи ғалабасини тантана қилди. Нокаут эвазига қозонган ғалабалари сони 5 тага етди.