25 апр 08:40
Янгиликлар
Бокс/ММА
Фазлиддин Ғоибназаровнинг навбатдаги жанг санаси маълум, манзили ҳам
Профессионал боксдаги фаолиятини чиройли ғалаба билан бошлаган ҳамюртимиз Фазлиддин Ғоибназаровнинг навбатдаги жанги қачон ва қаерда ўтказилиши маълум бўлди.
Унга кўра, Рио Олимпиадаси чемпиони 20 май куни профессионал боксдаги иккинчи жангини ўтказади. Фазлиддин шу куни АҚШнинг Нью-Йорк шаҳридаги дунёга машҳур “Мэдисон Сквер Гарден” аренасида рингга кўтарилади.
Ҳозирча Ғоибназаровнинг рақиби маълум эмас. Фазлиддиннинг мураббийи Аброр Турсунпўлатовнинг бизга хабар беришича, яқин бир ҳафта ичида рақиб номига ойдинлик киритилади. Машғулотлар эса эртага бошланади.
Маълумот учун, Нью-Йоркдаги бокс оқшомининг марказий жанги америкалик икки йўналиш чемпиони Теренс Кроуфорд иштирокида бўлиб ўтади.
Эслатиб ўтамиз, Фазлиддин Ғоибназаров АҚШнинг Калифорния штати Карсон шаҳридаги StubHub Center аренасида бўлиб ўтган илк жангида америкалик Виктор Васкесни иккинчи раунддаёқ техник нокаутга учратган эди.
Ҳавола :
Манба : olamsport.com
Фикрлар