21 июл 17:00
Янгиликлар
Теннис
Fed Cup. Индонезия мағлуб этилди, кейинги босқичдамиз!
Қизлар ўртасида норасмий жаҳон чемпионати ҳисобланадиган Федерация кубогида теннисчи қизларимиз бугун Индонезияга қарши баҳс юритишди.
Бунгача икки ўйин натижасига кўра ҳисоб 1:1 кўринишига келганди.
Кутилмаганда Нигина Абдураимова Лавиния Танантага 4:6, 3:6 ҳисобида ютқазиб қўйди. Нигина WTA рейтингида 208, Тананта эса 1061-ўринни эгаллаб тургани эътиборга молик ҳолат.
Иккинчи учрашувда биринчи ракеткамиз Сабина Шарипова Беатрис Гумуляни 6:4, 6:1 ҳисобида таслим этди. Шарипова дунё рейтингида 145, Гумуля эса 790-поғонадан жой олган.
Жуфтликлар беллашувида эса Нигина Абдураимова ҳамда Оқгул Омонмуродова жуфтлиги Ромпиес/Сутжиадига қарши кортга чиқди ва 6:4, 6:2 ҳисобларида ғалаба қозонди.
Якунда Индонезия терма жамоасидан 2:1 ҳисобида устун келди.
Энди вакилларимиз эртага Гонконг терма жамоаси спортчиларига қарши жанг қиладилар.
Ҳавола :
Манба : olamsport.com
Фикрлар