30 янв 16:39
Янгиликлар

Теннис

Fed Cup. Қозоғистон ITFга рад жавобини берди

Хитойда ўтказилиши режалаштирилган аёллар терма жамоалари ўртасидаги норасмий жаҳон чемпионати ҳисобланган Fed Cup турнири коронавирус сабаб бекор қилинган эди.

Халқаро теннис федерацияси (ITF) Федерация кубоги мезбонлигини Хитойнинг Дунгуан шаҳридан Қозоғистоннинг Нур-Султан шаҳрига кўчиришни таклиф этганди. Аммо Қозоғистон томони бу таклифга рад жавобини берди.

Қозоғистон спорти расмийлари, хусусан ҳукумат коронавирусни мамлакат ҳудудига кириб келишининг олдини олиш мақсадида шундай қарорга келган. Ҳозиргача ушбу вирус сабаб Хитойда 132 киши вафот этган, 6 мингдан зиёд аҳоли коронавирус ташхиси билан шифокорга мурожаат қилган.