Федерация ишчи гуруҳи водийда бўлди + ФОТО

Бундан кўзланган мақсад - Болалар учун дзюдо ҳамда мактабгача дзюдо лойиҳаси доирасида амалга оширилаётган ишлар билан яқиндан танишиш. Алишер Арзиқулов ва Фаррух Эгамбердиев Ўзбекистон дзюдо федерацияси томонидан қуриб фойдаланишга топширилган ихтисослаштирилган дзюдо залларида бўлишди. 

Шунингдек, умумтаълим мактаби ҳамда мактабгача таълим муассасаларининг мавжуд спорт заллари ҳолатини кўздан кечирилиб, дзюдо билан шуғулланиш имкониятлари ўрганилди.

Маълумот учун, Ўзбекистон Республикаси Президентининг 2022 йил 20 июндаги “Дзюдо спорт турини янада ривожлантириш чора-тадбирлари тўғрисида”ги ПҚ-286-сон қарорида кадрлар тайёрлаш, мураббийлар малакасини ошириш, илмий, ўқув-услубий ишлар борасида ўзаро ҳамкорликни янада кенгайтириш масалалари билан бир қаторда дзюдони мактабгача таълим муассасаларидаёқ болажонларга ўргатиш вазифалари белгилаб қўйилган. 

Ишчи гуруҳ Қарорнинг айни шу банди ижросини таъминлашга эътибор қаратган.