19 фев 07:51
Янгиликлар

Теннис

Федерер фаолиятидаги 97-совринини қўлга киритди

Хабар берганимиздек, кеча Голландиянинг Роттердам шаҳрида соврин жамғармаси 1 996 245 еврони ташкил қилган турнир якунланганди.

Унда бугун дунёнинг биринчи ракеткасига айланган Рожер Федерер болгариялик Григор Димитровни 55 дақиқа давом этган финалда 6:2, 6:2 ҳисобида мағлуб этиб, бош мукофот соҳибига айланди.

Роттердамдаги муваффақиятли иштирок швейцариялик теннис юлдузига 401 580 евро мукофот пули ҳамда 500 рейтинг очкосини тақдим этди. Рожер шу билан бирга фаолиятидаги 97-совринини ҳам қўлга киритди.