Федерер келаси ҳафта дунёнинг биринчи ракеткасига айланиши мумкин

Australian Open 2018 ғолиби бўлган Федерер келаётган ҳафтадаёқ Рафаэль Надални қувиб ўтиб, дунё рейтингида биринчи ўринга кўтарилиб олиш имкониятига эга.

Рожер Голландиядаги турнир ташкилотчиларидан wild card, яъни имтиёзли йўлланма олди. Агар Федерер Роттердамдаги турнирнинг камида ярим финалига етиб борса, рейтинг карвонбошисига айланиб олади. Ҳозирда у пешқадам Надалдан 155 очкога ортда қоляпти.