22 окт 12:49
Янгиликлар

Теннис

Федерер ўз юртидаги турнирни ғалаба билан бошлади

Швейцариянинг Базель шаҳрида теннис бўйича нуфузли ATP турнирининг асосий тўр баҳслари старт олди.

Сайёрамизнинг учинчи ракеткаси Рожер Федерер илк даврада рейтингнинг 112-поғонасидан жой олган германиялик Петер Гойовчикка қарши кортга чиқди ва рақибини 6/2, 6/1 ҳисобида мағлуб этди.

Учрашув 52 дақиқа давом этган. Бу вақт оралиғида 38 ёшли швейцарилик теннис юлдузи 12 та эйс зарбасини амалга оширди. Энди Федерер Swiss Indoors турнирининг иккинчи босқичида молдовалик Раду Албот ҳамда сербиялик Душан Лайович учрашуви ғолибига қарши кортга чиқади.