Федор Емельяненко: "Ҳарбий хизматга чақирув бўлинмаларидаги хабарларни ўқиб ҳайратда қолдим"

"Шахсан менда ҳеч қандай ташвиш йўқ. Ҳамма нарса Худонинг қўлида, шунинг учун сиз ишонишингиз керак. Биз дунёга қаттиқ боғланиб қолганмиз. Шу сабаб ҳамма ташвишда. Худонинг иродаси билан бошимиздан бир тола соч ҳам тушмайди.

Танишларим, дўстларим орасида яқинлик қанча кўп бўлса, шунчалик хотиржам бўламан.

Ҳарбий хизматга чақирув бўлимларида нималар бўлаётгани, чақирувдан қочаётганлар ҳақидаги хабарларни ўқиб ҳайратда қолдим.

Ҳозиргача ҳеч қандай кун тартиби йўқ, аммо, ҳамма кутмоқда. Йигитларнинг ҳали ҳам шартномалари бор. Кўрамиз, буёғига нима бўлар экан. Биз бугун учун яшаймиз.

Ҳамма тайёргарлик кўриш ва бир-бирига ёрдам беришда давом этмоқда. Кимдир жангларга тайёргарлик кўрмоқда, кимдир ёрдам бермоқда", — деди ММА афсонаси.