27 окт 09:26
Янгиликлар

Бокс/ММА

Фергюсон — Нурмагомедовга: Аҳмоқ, тез орада кўришамиз! (+ФОТО)

Америкалик UFC жангчиси Тони Фергюсон енгилмас Хабиб Нурмагомедовга мурожаат қилиб, ҳақоратли сўзларни йўллади.

Доғистонлик енгилмас чемпион Жастин Гэтжини мағлубиятга учратганидан сўнг фаолиятини якунлаганини эълон қилганди. Афтидан Тони Хабибнинг бу қарорини ҳазм қила олмаган кўринади. UFC томонидан уларнинг жангини ташкил этиш учун бўлган бешта уринишнинг бари бесамара кетган эди.

Фергюсон ўзининг Инстаграм "сториз"ида Нурмагомедов билан ўтказилган матбуот анжуманидаги суратни жойлаб, расм остида изоҳ ҳам қолдирди.

"Тез орада кўришамиз, аҳмоқ", — дея ҳақоратли сўзларни ёзган Тони.

Эслатиб ўтамиз, Тони Фергюсон ўзининг сўнгги жангида Нурмагомедов муддатидан аввал мағлуб этган Жастин Гэтжига техник нокаут эвазига ютқазганди.