08 июл 14:11
Янгиликлар
Бокс/ММА
"Ferrari" ва "Honda Civic". UFC жангчиси Макгрегор — Холлоуэй жанги ҳақида фикр билдирди
UFC собиқ чемпионлик камари даъвогари ва BMF камари соҳиби Хорхе Масвидаль Конор Макгрегор ва Макс Холлоуэй ўртасидаги реванш учун ўз тахминини билдирди.
"Менимча, Макс билан ҳақиқий жанг бўлади. Аввал ҳам айтганман, мен унинг тарафидаман ва бор нарсамни унга тикаман. Ишонаманки, у бу жангни бир томонлама кўринишга келтиради. Жангнинг бир-икки дақиқасидан кейин Макс ташаббусни тўлиқ ўз қўлига олади.
Сўнгги беш йил давомида тўпланган тажриба ва жисмоний ҳолатни сақлаб қолиш энг муҳим омил ҳисобланади. Бу қарама-қаршилик «Ferrari» билан «Honda Civic» пойгасига ўхшайди. Аммо агар «Ferrari»нинг баки чорак қисмигача бўш бўлса, у ҳар сафар ютқазади. Менимча, Макс бунинг уддасидан чиқади", — деди Масвидаль.
Ҳавола :
Манба : UFC on Paramount+
Фикрлар