22 июн 09:06
Янгиликлар

Шахмат

FIDE Жамоавий Жаҳон чемпионати-2026: Абдусатторов чемпион! Яна уч шахматчимиз совриндор бўлди

Гонконгда якунига етган жамоавий блиц жаҳон чемпионатида Ўзбекистон жамоаси нафақат умумий ҳисобда бронза медалини қўлга киритди, балки шахматчиларимиз ўз тахталарида ҳам ажойиб шахсий натижаларни қайд этиб, медалларга эга чиқишди.

Олтин медаль:

Нодирбек Абдусатторов (1-тахта) — Ҳамюртимиз энг кучлилар ўйнаган 1-тахтада мутлақ тенгсиз бўлди! У 19 та ўйинда 15.5 очко жамғариб, ақлбовар қилмас 2936 рейтинг перфомансини кўрсатди ва олтин медални қўлга киритди.

Кумуш медаллар:

Умида Омонова (6-тахта) — Аёллар ўртасидаги баҳсларда 12 ўйиндан 9 очко жамғариб, ўз тахтасида кумуш медал соҳибасига айланди.

Акжол Раҳматуллаев (8-тахта) — Ёш иқтидоримиз 21 та партияда 14.5 очко тўплаб, кумуш медални қўлга киритди.

Бронза медаль:

Шамсиддин Воҳидов (5-тахта) — 15 та партияда 8.5 очко жамғарган ҳолда, ўз тахтасида кучли учталикдан жой олди.