FIDE Жамоавий жаҳон чемпионатининг 1/4 финалига чиқдик

“World Women’s Team Championship 2025” мусобақасида 12 давлат терма жамоалари иштирок этмоқда. Ўзбекистон аёллар терма жамоаси “В” гуруҳида Грузия, Хитой, Ҳиндистон, Франция ва Украина жамоаларига қарши баҳс олиб борди. 

Грузия, Хитой, Ҳиндистон терма жамоаларига имкониятни бой берган шахматчи қизларимиз Франция ва Украинадан устун келишди. Ўтказилган 5 тур якунига кўра жамоамиз гуруҳда 4-ўринни эгаллаб, нокаут босқичига йўлланма олди.

Регламентга кўра, ҳар икки гуруҳда кучли тўртликдан жой олган терма жамоалар 1/4 финалга йўл олди. 

“B” гуруҳи якуний натижалари:

1-ўрин – Грузия (8 очко)

2-ўрин – Хитой (7 очко)

3-ўрин – Ҳиндистон (6 очко)

4-ўрин – Ўзбекистон (4 очко)

5-ўрин – Франция (3 очко)

6-ўрин – Украина (2 очко)

Бугун бизнинг вақт билан соат 17:30 да бошланадиган чорак финалда Ўзбекистон аёллар терма жамоаси FIDE жамоасига қарши баҳс олиб боради. 

Ўзбекистон аёллар терма жамоаси таркиби:

Гулруҳбегим Тоҳиржонова 2369

Умида Омонова 2289

Гулдона Каримова 2286

Мадинабону Халилова 2228

Нафиса Мўминова, терма жамоа менежери, жамоа раҳбари.