ФИДЕ украиналик шахматчини 3 йилга дисквалификация қилди

"GM Кирилл Шевченко 3 йилга мусобақалардан четлатилди. 22 ёшли халқаро гроссмейстер Кирилл Шевченко FIDE томонидан барча мусобақалардан 3 йиллик четлатиш жазосига тортилди. Бу қарор Испания Жамоавий Шахмат Чемпионатида ҳожатхонадан топилган телефон сабаб бошланган можародан кейин, шунингдек, Шевченконинг ғирромлик қилганини тан олганидан сўнг эълон қилинди. Ўйин пайтида шахматчиларни назорат қилган ҳакамлар Шевченконинг тахтадан узоқ вақт давомида кетиб қолиши устидан шубҳа билдирган эди. Тергов давомида ҳожатхонадан топилган иккита телефон ва уларнинг эгаси номаълум бўлгани таҳминларни кучайтирди. Дастлаб Шевченко 75 кунлик вақтинчалик четлатиш жазоси билан жазоланган эди. Chess.com хабарига кўра, Шевченко FIDE Fair Play Комиссиясига аввал содир бўлган бир ғирромлик воқеасини тан олган. Мазкур тан олиш четлатиш муддатининг узайишига сабаб бўлди. Натижада FIDE уни 3 йилга барча расмий мусобақалардан четлатиш тўғрисида расмий қарор чиқарди", дейилади хабарда.