Физиев UFC'даги энг яхши жанги қайси бўлганини айтди

Енгил вазн тоифаси (- 70 кг)да озарбайжонлик UFC жангчиси Рафаэль "Атаман" Физиев (12-1, рейтингда - 6) бразилиялик Рафаэль дос Аньос (32-14, рейтингда - 8)га қарши жангини UFC'даги энг яхшиси деб ҳисоблашини айтди.

Улар ўртасидаги мазкур жанг ўтган йилнинг июль ойида Лас-Вегас (АҚШ)да бўлиб ўтган эди. Мазкур жангда Физиев муддатидан аввал ғолиб бўлган.

"UFC'даги барча жангларим ичида буниси кўпроқ ёққан эди. Чунки бу жангда барча режаларимни бажарган эдим. Бизда унинг прессингига йўл қўймаслик, октагон марказини ушлаб туриш каби режаларимиз бор эди. Умуман олганда, ҳаммаси муваффақиятли бўлди.

Беш раунд давомида масофани яхши ушлаб тура олдим, дейишдан қўрқаман. Мен ўзимни яхши ҳис қилдим. Мен беш раунд жанг қилишга ва бошидан охиригача прессинг қилишга тайёр эдим. Лекин ҳамма биладики, тайёргарлик ҳар доим ҳам мукаммал бўлавермайди. Ўшанда ҳаммаси яхши эди. Аммо кейин нима бўлишини билмаган эдим", - деди Рафаэль Captain Hardcore YouTube каналига берган интервюьсида.