21 окт 17:02
Янгиликлар

Бокс/ММА

Флойд Мейвезер: “Пакьяо билан жангга тупурдим”

Бешта вазн тоифасида собиқ жаҳон чемпиони Флойд Мейвезер ярим ўрта вазнда WBA Regular чемпиони Мэнни Пакьяо билан эҳтимолли реванш жанги ҳақида гапирди.

Olamsport.com сайтига маълум бўлишича, америкалик енгилмас боксчи промоутер Эль Хэймондан Пакьяонинг Эдриен Бронер билан жангини ташкил қилишни сўраган.

“Пакьяонинг мен билан жанг қилиш истагида бўлаётганига тупурдим. Кейин менга унинг нима қилаётгани ҳам қизиқ эмас. Эль Хэймонга мен Мэнни ва Эдриен Бронер ўртасида жанг ташкил қилиш кераклигини айтдим”, - деди Мейвезер.

Эслатиб ўтамиз, бир муддат аввал Мейвезернинг ўзи Мэнни Пакьяо билан реванш жанги сабаб катта боксга қайтишини айтганди. Лекин америкалик боксчининг сўнгги интервьюсидан келиб чиқадиган бўлсак, Флойд Пакьяодан кўра UFC юлдузлари Хабиб Нурмагомедов ёки Конор Макгрегор билан жанг ўтказишни афзал билмоқда.