21 июл 07:29
Янгиликлар

Бокс/ММА

Флойд Мейвезер собиқ жаҳон чемпионига қарши рингга кўтариладиган кўринади

Бешта вазн тоифасида собиқ жаҳон чемпиони, афсонавий енгилмас боксчи Флойд Мейвезер яна рингга қайтиш истагини билдирди.

Америкалик бу сафар ҳам Японияда ташкил этиладиган кўргазмали жангда рингга чиқмоқчи. Рақиб сифатида япониялик собиқ жаҳон чемпиони Такаши Учияма танланган. Такаши иккинчи ярим енгил вазнда жаҳон чемпиони бўлган. Фаолиятини 2016 йилда якунлаган эди.

Маълумот учун, Мейвезер 2018 йилнинг 31 декабрь куни Токио шаҳрида кикбокс бўйича собиқ жаҳон чемпиони Теншин Нацукавага қарши бокс қоидалари асосида рингга чиққан ва рақибини нокаутга учратганди. Айни пайтда Мейвезер ва RIZIN промоушени ўртасида музокара бошланган.