15 июл 16:11
Янгиликлар

Теннис

Фомин 1/4 финалидаги рақибига деярли қаршилик кўрсатмади

Италиянинг Падова шаҳрида теннис бўйича М25 тоифасига кирувчи турнир давом этмоқда.

Ушбу мусобақада ҳамюртимиз Сергей Фомин ҳам иштирок этаётган эди. Афсуски, турнирда 8-рақам остида таснифланган теннисчимиз мусобақанинг чорак финал учрашуви билан бирга мусобақадаги иштирокини ҳам якунлади.

Мамлакатимизнинг иккинчи ракеткаси 78 дақиқа давом этган 1/4 финал учрашувида турнирнинг учинчи ракеткаси франциялик Клемент Табурга 1/6, 0/6 ҳисобида имкониятни бой бериб қўйди. Бу теннисчиларнинг ўзаро ўтказган илк учрашуви эди.

Таққослаш учун, Сергей Фомин айни пайтда дунё рейтингида 561, Табур эса 334-ўринни эгаллаб турибди.