Фомин Alaminos-Larnaca турнирининг 1/4 финалига йўл олди

Хабар берганимиздек, ҳамюртимиз Сергей Фомин Alaminos-Larnaca турнирининг биринчи рақамли теннисчиси сифатида сараланди. Мамлакатимизнинг биринчи ракеткаси ҳозиргина якунига етган 1/8 финал учрашувида ғалабага эришди. 

Фомин 97 дақиқа давом этган баҳсда кипрлик Сергей Киратзисни 6/2, 6/4 ҳисобида мағлубиятга учратди. Ҳар иккала теннисчи ҳам 1 тадан эйс зарбани ижро этган. Қўшхатолар Фоминда 2, Киратзисда 5 тани ташкил қилди. Сергей 3 та брейкни амалга оширган. 

Дунёнинг 355-ракеткаси бўлиб турган теннисчимизнинг бугунги ва кечаги рақибларининг ҳар иккиси ҳам ҳали ATP рейтингига киритилмаган. Энди ҳамюртимиз ярим финал йўлланмаси учун турнирнинг олтинчи ракеткаси Адам Мундирга қарши кортга чиқади. ATP рейтингида 725-поғонада бораётган марокашлик теннисчи бугун 1/8 финалда болгариялик Габриэль Доневдан устун келди - 4/6, 6/4, 6/4.