Фомин иккинчи ракеткага қарши 4 соатлик учрашув ўтказди

Унда мамлакатимизнинг иккинчи ракеткаси Сергей Фомин ҳам иштирок этди. Ҳамюртимиз илк даврада германиялик Том Сиккенбергерни ортиқча қийинчиликсиз мағлуб этганди - 6/3, 6/1. 

Афсуски, теннисчимиз 1/8 финалда турнирнинг иккинчи ракеткаси, швейцариялик Реми Бертолага муносиб қаршилик кўрсатиб, якунда аламли тарзда мағлубиятга учради. Тўрт дақиқаси кам тўрт соат давом этган учрашувнинг биринчи сети 6/2 ҳисобида Реми фойдасига ҳал бўлди. Иккинчи сетни Фомин тай-брекда ўз фойдасига ҳал қилди - 7/6(9). 

Ҳал қилувчи учинчи сет ҳам тай-брекка қадар етиб борди. Сергей ҳатто матч-боллга ҳам эга бўлди. Лекин бу имкониятдан у фойдалана олмади. Натижада Бертола 7/6(7) ҳисобида зафар қучиб, 1/4 финал иштирокчисига айланди.    

Таққослаш учун, Сергей Фомин айни пайтда дунёнинг 442-ракеткаси бўлиб турибди. Реми Бертола эса ATP рейтингида 314-поғонадан жой олган. Бу теннисчиларнинг ўзаро ўтказган илк учрашуви бўлди.