12 июл 17:53
Янгиликлар

Теннис

Фомин Падова турнирининг 1/8 финалига чиқди

Италиянинг Падова шаҳрида теннис бўйича М25 тоифасига кирувчи турнир давом этмоқда.

Ушбу мусобақада Сергей Фомин ҳам ўз маҳоратини намойиш этяпти. Бироз аввал турнирда 8-рақам остида таснифланган ҳамюртимиз ўз иштирокини ғалаба билан бошлаб олди.

Мамлакатимизнинг иккинчи ракеткаси 1/16 финалда словакиялик Лукаш Покорнини 6/4, 6/4 ҳисобида мағлубиятга учратди. Теннисчиларнинг ўзаро илк учрашуви 1 соату 47 дақиқа давом этди.

Таққослаш учун, Сергей Фомин дунё рейтингида 561, Лукаш Покорни эса 612-поғонадан жой олган. Теннисчимизнинг 1/8 финалдаги рақиби бугун тунда ўтказиладиган чилилик Николас Бруна ҳамда италиялик Лука Жиакомини учрашувидан сўнг маълум бўлади.