Фомин Португалияда икки кун давом этган учрашувда ғалаба қозонди

Унда ҳамюртимиз Сергей Фомин ҳам ўз имкониятини синаб кўряпти. Мамлакатимизнинг биринчи ракеткаси илк даврада швейцариялик Ҳуго Озилуга қарши баҳс олиб борди. Аслида ўтган куни бошланган учрашув кун бўйи ёққан ёмғир сабаб кеча ярим тунда якунига етди ва унда Фомин 6/2, 6/2 ҳисобида ғалаба қозонди.

Таққослаш учун, Сергей Фомин ATP рейтингида 558, Ҳуго эса 1866-поғонадан жой олган. Бугун теннисчимиз 1/8 финалда турнирнинг учинчи ракеткаси, ҳозирда рейтингда 301-ўринни эгаллаб турган словакиялик Мартин Клижанга қарши кортга чиқади. 36 ёшга қараб кетаётган тажрибали Мартин ўз вақтидан дунёнинг 30-ракеткаси бўлган. У 1/16 финалда ATP рейтингида 1203-поғонада бораётган болгариялик Александр Петровдан устун келди - 3/6, 6/0, 6/2.