23 авг 18:29
Янгиликлар

Теннис

Фомин Познанда биринчи ракеткага қарши кортга чиқди

Польшанинг Познан шаҳрида теннис бўйича М25 тоифасига кирувчи турнир бўлиб ўтмоқда.

Мукофот жамғармаси 25 000 АҚШ долларини ташкил этувчи ушбу мусобақада ҳамюртимиз Сергей Фомин ҳам ўз имкониятини синаб кўрди. Мамлакатимизнинг иккинчи ракеткаси бироз аввал 2 соату 16 дақиқа давом этган 1/4 финал учрашувида турнирнинг биринчи ракеткаси, чехиялик Михаил Врбенскига қарши кортга чиқиб, 6/4, 4/6, 1/6 ҳисобида имкониятни бой бериб қўйди.

Таққослаш учун, Сергей Фомин ATP рейтингида 546, Врбенски эса 279-ўринни эгаллаб турибди. Теннисчимиз бундан аввалги босқичларда рейтингда ўзидан юқорида ўринларда бораётган чехиялик Марек Генгел ҳамда германиялик Луис Весселсни мағлубиятга учратган эди.