Формула-1 Россия Гран-приси билан шартномани бекор қилди

Шу тариқа, аввалроқ 2022 йилги мавсум тақвимидан чиқариб ташланган Россия босқичи 2023 йил ва ундан кейинги йилларда ҳам жаҳон чемпионатига қайтмайди.

"Формула-1 Россия Гран-приси промоутери билан шартномани бекор қилганини тасдиқлайди. Бу келажакда Россия пойгага мезбонлик қилмаслигини англатади", - дейилади "Формула-1"нинг қисқача баёнотида.

Шартнома 2025 йилгача мўлжалланган эди. 2023 йилги мавсумдан бошлаб Россия Гран-присини Санкт-Петербург яқинидаги "Игора Дриве" трассасида ўтказиш режалаштирилганди. 

Эслатиб ўтамиз, Россия Гран-приси 2014 йилдан бери ўтказиб келинаётган эди. Барча пойгалар Сочидаги трекда ўтказилган.