Формула-1. Саудия Арабистони Гран-приси ракета ҳужумига қарамай белгиланган вақтда бўлиб ўтади

Жидда шаҳрида бўлиб ўтаётган "Формула-1" бўйича навбатдаги Гран-при босқичининг машғулотлар пайтида трек яқинида ракета ҳужуми уюштирилди.   

Иккинчи машғулотдан сўнг "Формула-1" расмийлари пойгачилар, жамоа раҳбарлари, шунингдек, Халқаро автомобиль федерацияси (ФИА) ва мамлакат расмийлари иштирокида йиғилиш ўтказди. Шундан кейин "Формула-1" раҳбари Стефано Доменикали Гран-при белгиланган вақтда ўтишини эълон қилди. Ф-1 хавфсизлик учун кафолатни ўз зиммасига олди ва жамоалар бир овоздан дам олиш кунлари бўлиб ўтадиган пойгани давом эттириш қарорини маъқулладилар.