31 авг 13:09
Янгиликлар

Футбол

ФОТО Месси "Барса"га коронавирус учун тест топширгани келмади. Леонинг ёшгина мухлиси эса уни кутди ва йиғлаб юборди

Лионель Месси якшанба куни эрталаб "Барселона" машғулот базасига COVID-19 учун тест топширишга келиши керак эди. Аргентиналик эса келмади.

Чорраҳада эса Леони унинг либосини кийиб ўтирган ёш мухлиси кутиб турарди. Бола кумири билан учрашиш учун узоқ кутиб ўтирди ва йиғлаб юборди. Сержи Бускетс ва бошқа топ даражадаги футболчилар ўтиб кетишди - аммо, Месси эмас.

Болакай Леони Ciutat Esportiva атрофида излаган ягона мухлис эмас эди - ўнлаб инсонлар афсонани кутиб ўтиришарди.

Эслатиб ўтамиз, Месси иккинчи бор "Барса"дан тортишувларсиз шартномани бекор қилишни сўради. RAC1 радиостанциясининг хабарига кўра, аргентиналик футболчи бюрофакс орқали "Барса" билан шартнома автоматик тарзда бекор қилинишини билдирган. Шу сабаб Месси коронавирус учун тестга келмади. Шунингдек у машғултоларда ҳам бўлмайди.