Freestyle Chess Grand Slam Paris. Карлсен - Абдусатторов партиясида 1/2 финалчи аниқланди

Бугун мусобақанинг тўртинчи куни плей-офф босқичининг иккинчи партия, яъни жавоб учрашувлари ўтказилмоқда. Ҳозиргина 1/4 финалдан ўрин олган Нодирбек Абдусатторов (Ўзбекистон, 2773) - Магнус Карлсен (Норвегия, 2819) учрашуви якунига етди. Оқ доналарда ўйнаган Нодирбек устунлигини ғалабага айлантира олмади ва дурангга рози бўлди. Кеча илк учрашувда Карлсен оқ доналарда ғалабага эришганди. 

Икки ўйин натижасига кўра 1,5:0,5 ҳисобида зафар қучган тажрибали Магнус 1/2 финалга йўл олди. Магнус бежизга Абдусатторовни ўзига рақиб сифатида танламаган экан. Ҳамюртимиз сўнгги пайтларда Карлсен учун қулай рақибга айланиб боряпти. Энди гроссмейстеримиз 5-ўрин учун кураш олиб боради. Рақиб - франциялик Максим Вашье-Лаграв бўлади.