01 фев 14:29
Янгиликлар

Бокс/ММА

Френк Уоррен: "Жошуа қўшимча 5 миллион доллар сўраганда, Фьюри унга: "етар" деди"

Теглар : Уоррен

Оғир вазнда WBC камари соҳиби Тайсон Фюри (31-0-1, 22 КО)нинг промоутери Френк Уоррен Фьюри ва собиқ чемпион Энтони Жошуа (24-2, 22 КО) ўртасидаги келишув нима сабабдан амалга ошмаганини айтди.

"Бир йил олдин, биз Жошуа ва Тайсон ўртасида жанг ташкиллаштирмоқчи бўлганимизда, Эдди Хирн ҳар ҳафта: "Ҳаммаси тайёр, шартномалар жойида", деб айтган эди, гарчи биз ҳеч қандай баёнот бермаслик бўйича шартнома имзолаган бўлсак ҳам.

Бу сафар музокаралар чўзилиб кетди. Жошуа қўшимча 5 млн доллар сўраганда, Тайсон: "Етар" деди. Ана холос.

Фьюри айтгандики: "Бу мени қизиқтирмайди, Жошуа жуда очкўз. Бу етарли эди. Тайсон чемпион, у Энтони Жошуадан қарздор эмас".

Фьюри ва Усик жанг қилмоқчи эди. Аммо ўртада яна иккита одам бор – бири WBCни судга бераётган бўлса, иккинчиси эса кўпроқ пул талаб қиларди”, — деди Уоррен.

Эслатиб ўтамиз, Жошуа ва Диллиан Уайт Александр Усик ва Фьюри билан жанглар учун товон пулидан бош тортган эди. Уайтга 5 миллион фунт, Жошуага 15 миллион фунт таклиф қилинган.