Фурқатбек Ёқубов — ўзбекистонлик ММА жангчиларига: "Рақиб танлашда озгина уялинглар!"

"Рақиб танлашда сал уялинглар, илтимос. Ростини айтсам, ҳозир мен ҳаммага ёмон кўринган жангчи бўламан. Мени ёмон кўрсаларинг кўринглар, лекин уялинглар! Бу гапларим кимгадир тегишли эмас, шунчаки умумий ҳолат ҳақида гапиряпман. Жуда кўп зўр жангчилар кўринмай қоляпти. Бу ҳатто кулгили ҳолат бўлиб кетяпти. Бу ерда масхарабоз оддий бир жангчини уриб, "ухлатиб" қўяди. Одамлар кўчадан кўради-да, "бу бола жуда кучли экан-ку", дейди. Чунки у кўчадан олиб келинган бўлади-да. Бечора ҳақиқий жангчилар "ит" каби меҳнат қилади, лекин халқ танимайди. Шунинг учун илтимос, жангчилар, озгина уялинглар!", дейди Ёқубов.

Маълумот учун, Фурқатбек профессионал фаолиятида ҳозиргача 22 та жанг ўтказиб, 18 та ғалаба ва 4 та мағлубият қайд этган.