Футбол. Бугун Ўзбекистон терма жамоаси Ироққа қарши ўйин ўтказади

Бугунги баҳс Дубай шаҳридаги "Sevens" стадионида ўтказилади. Мазкур баҳс Ўзбекистон вақти билан соат 19:00да бошланади.

Учрашувни ҳимоячи Ҳожиакбар Алижонов дисквалификация туфайли ўтказиб юборади. Сабаби ФИФА кунларида ўтказиладиган расмий ўртоқлик ўйинларида олинган қизил карточкалар кейинги ўйинга таъсир қилади.

Ироқ терма жамоаси 11та ўйиндан буён (пенальтилар серияси ҳисобга олинмаганда) ҳеч қайси рақибга ютқазмай келмоқда. Сўнгги бор ироқликлар 2019 йил 14 август санасида Баҳрайнга қарши ўтган баҳсда ютқазиб қўйишганди.

Баҳрайн - 1:1
Ўзбекистон - 0:0
Гонконг - 2:0
Камбоджа - 4:0
Эрон - 2:1
Баҳрайн - 0:0
Қатар - 2:1
БАА - 2:0
Яман - 0:0
Баҳрайн - 2:2 (пен: 3:5)
Иордания - 0:0

Ироқ терма жамоаси ЖЧ-2022 саралашида "C" гуруҳида иштирок этмоқда. 5та ўйинда 3та ғалаба ва 2та дуранг қайд этган жамоа 11 очко билан гуруҳда пешқадамлик қилмоқда. Кейинги ўринларда 9 очко билан Баҳрайн, 6 очко билан Эрон бормоқда. Гонконгда 5, Камбоджада 1 очко бор.

Словениялик Сречко Катанец бошчилигидаги Ироқ терма жамоаси 12 ноябрь куни Иордания билан ўртоқлик учрашуви ўтказиб, 0:0 ҳисобида дуранг ўйнади.

Иордания билан ўйинни қуйидаги футболчилар асосий таркибда бошлашганди:
Жалол Ҳассан, Ҳассан Раед, Али Фаёз, Саад Нотиқ, Алаа Мҳави, Амжад Аттван, Муҳаммад Мезҳер, Башар Ресан, Ҳумам Тариқ, Иброҳим Байеш, Моҳанад Али.
Захира: Муҳаммад Ҳамид, Фаҳад Толиб, Мустафо Муҳаммад, Маитҳам Жаббор, Али Аднан, Муҳаммад Қосим Мажид, Мазин Файйад, Аймен Ҳуссайин.

Ироқ терма жамоаси сафида Дубайдаги йиғинда қатнашаётган футболчилар рўйхати:

Дарвозабонлар:
Жалол Ҳассан ("Ал Завра")
Муҳаммад Ҳамид ("Ал Шорта")
Фаҳад Толиб ("Ал Қува Ал Жавия")

Ҳимоячилар:
Али Аднан ("Ванкувер Вайтпакс", Канада)
Алаа Мҳави ("Ал Шорта")
Али Фаёз ("Ал Шорта")
Саад Нотиқ ("Ал Шорта")
Мустафо Муҳаммад ("Ал Завра")
Маитҳам Жаббор ("Ал Қува Ал Жавия")
Ҳассан Раед ("Ал Қува Ал Жавия")

Ярим ҳимоячилар:
Ҳумам Тариқ ("Исмоили", Миср)
Амжад Аттван ("Ал Шорта")
Башар Ресан ("Персеполис", Эрон)
Иброҳим Байеш ("Ал Қува Ал Жавия")
Мазин Файйад ("Ал Шорта")
Муҳаммад Қосим Мажид ("Ал Шорта")
Муҳаммад Ризо Жалил ("Ал Завра")
Муҳаммад Мезҳер ("Ал Шорта")

Ҳужумчилар:
Аймен Ҳуссайин ("Ал Қува Ал Жавия")
Моҳанад Али ("Ал Сайлия", Қатар)