Фёдор Емельяненко ва Мирко Филипович ўртасида реванш жанги ўтказилади

Режага кўра, ушбу қизиқарли жанг 2026 йилнинг баҳорида Сербияда бўлиб ўтиши мумкин. Бу ҳақда Емельяненконинг ўзи "Gazeta.ru" нашрига берган интервьюсида айтиб ўтди.

"Ҳозир биз кўргазмали эмас, реал жангни муҳокама қиляпмиз. У қанчалик амалга ошишга яқин? Биз иштирок этадиган арена, сана, ушбу турнирни молиявий қўллаб-қувватлаш бўйича тўлиқ тушунча бор. Ҳозир энг қийини қолди - шартноманинг барча бандларини тартибга келтириш.

У ердаги аренада ҳали бирор марта бўлмаганман, лекин умуман олганда, Сербияда бўлишни яхши кўраман. У ерда дўстларим бор, муқаддас жойларга боришни яхши кўраман. Сербиялик спортчилар билан ҳам мулоқот қиламан. Улар Миркони қанчалик ҳурмат қилишларини биламан. У MMA ва кикбоксинг тарихидаги энг кучли жангчилардан бири ҳисобланади", - деди "Сўнгги император". 

Агар ушбу жанг амалга ошса, у реванш мақомидаги тўқнашувга айланади. 2005 йил август ойида Фёдор Емельяненко "Йил жанги" ва "Ўн йиллик жанги" деб топилган ушбу жангда Мирко Филиповични ҳакамларнинг якдил қарори билан ғалаба қозониб, оғир вазн тоифасида ўзига тегишли PRIDE чемпионлик камарини муваффақиятли ҳимоя қилганди.