Фьюри – Жошуа жанги учун чипталар бир соат ичида сотилиб кетди

Айни дамда Ticketmaster сервисида қўшимча ўринлар сотувга чиқишини кутаётган ярим миллиондан ортиқ бокс мухлислари виртуал навбатда турибди (жанг бўлиб ўтадиган Кардиффдаги стадионнинг стандарт сиғими 74 мингга яқин бўлса-да, бокс оқшомида майдонга қўшимча қаторлар ўрнатилиши ҳисобига ўринлар сони кўпайтирилади).

Чипталар нархи 88,5 фунт стерлингдан (тахминан 117 доллар) бошланиб, биринчи қаторлардаги ўринлар учун 13 128 фунтгача (17 345 доллар) етди. Ҳозирги вақтда уларни фақатгина чайқовчилардан сотиб олиш мумкин, улар энг арзон ўринлар учун 425 фунт (562 доллар), ринг олдидаги қаторлар учун эса 73 645 фунт (97 301 доллар) сўрашмоқда. Шу билан бирга, ташкилотчилар чипталарни чайқовчилар томонидан сотиб олинишига қарши қатъий чоралар кўрилганини ва уларнинг қўлига чипталарнинг атиги бир неча фоизи тушганини таъкидлашмоқда.

Оғир вазн тоифасидаги собиқ жаҳон чемпионлари Тайсон Фьюри ва Энтони Жошуа ўртасидаги жанг 12 декабрь куни Уэльс пойтахти Кардифф шаҳрида бўлиб ўтади. Жанг ғолиби супероғир вазн тоифасида WBA Super чемпионлик камарига эга чиқади.