30 авг 15:36
Янгиликлар

Бокс/ММА

Фьюри кузатган жангда Дюбуа рақибини нокаутга учратди ва камарини ҳимоя қилди

Буюк Британиянинг Лондон шаҳрида навбатдаги профессионал бокс кечаси ташкил этилди.

Оқшомнинг марказий жанги супероғир вазн тоифасида ўтказилиб, унда дунё промоутерлари томонидан имкониятлари анча юқори баҳоланаётган 22 ёшли Даниэль Дюбуа нидерландиялик Рикардо Снайдерсга қарши рингга кўтарилди.

Биринчи раунднинг ўзида Дюбуа рақибини уч бора нокдаун ҳолатига тушириб қўйди. Иккинчи раундда ҳам вазият ўзгармади. Навбатдаги ҳисоб очилишидан сўнг рефери жангни тўхтатишга мажбур бўлди.

Шу тариқа, британиялик боксчи Даниэль Дюбуа ўзига тегишли бўлган WBO International камарини ҳимоя қилди. Жуда катта эҳтимол билан Дюбуанинг кейинги рақиби британиялик яна бир боксчи, Олимпиада совриндори Жозеф Жойс бўлади. Бугунги жангни бевосита ринг четида WBC чемпиони Тайсон Фьюри кузатиб борди.