27 авг 09:18
Янгиликлар

Бокс/ММА

Фьюри Нганну ва Уайлдернинг зарба кучини солиштирди

Оғир вазн тоифасида собиқ жаҳон чемпиони Тайсон Фьюри рақибларидан кимнинг зарбаси кучли деган саволга жавоб берди.

Британиялик боксчи WBC йўналишида собиқ жаҳон чемпиони, америкалик 40 ёшли Деонтей Уайлдер ҳамда 39 ёшли машҳур ММА жангчиси, UFC собиқ чемпиони Фрэнсис Нганнунинг зарба кучини таққослади.

"Нганну — кучли, бақувват йигит, лекин у Уайлдер каби зарба бера олмайди. Ҳа, асло", — деди Фьюри Alf Global YouTube каналига берган интервьюсида.

Тайсон Фрэнсис Нганну билан 2023 йилнинг октябрь ойида жанг қилган ва учинчи раундда нокаут эвазига ғалаба қозонган эди. Уайлдер билан эса трилогия ўтказган: 2018 йил 1 декабрдаги жанг дуранг (111-115, 114-110, 113-113) билан якунланган, 2020 йил 22 февралда Тайсон техник нокаут, 2021 йил 9 октябрда эса нокаут билан ғалаба қозонган.