Фьюрининг отаси: Тайсон Жошуа билан декабрда жанг қилишни хоҳлайди

Катта Фьюрининг сўзларига кўра, Тайсон Энтони Жошуа билан 2021 йилнинг декабрь ойида жанг қилмоқчи.

"Тайсон анчадан бери жанг қилмади. Деонтей Уайлдер ҳам шундай. Аммо, мен Тайсоннинг кайфиятини, тайёргарлигини кўряпман. У Уайлдер билан тўрт раунднинг ўзида масалани ҳал қилади. Шундан сўнг, бироз дам олиб, Жошуа билан жангга тайёрланишни бошлайди.

Тайсон Жошуа билан декабрь ойида жанг қилишни хоҳлаяпти. Биз 2021 йилнинг декабрь ойида жанг қилишни истаймиз, сабаби Деонтей Уайлдерда ҳеч қандай хафв кўрмаяпмиз. Фьюри ҳаммасини тўғри қилса, ҳеч қандай муаммо бўлмайди. Тайсон уни икки марта мағлуб қилиб бўлган, эндиги сафар қўғирчоқдек калтакласа бўлгани", - деди Жон Фьюри.

Эслатиб ўтамиз, Тайсон Фьюри ва Деонтей Уайлдер ўртасидаги жанг 9 октябрь куни Лас-Вегасда ўтказилади.