27 окт 12:35
Янгиликлар

Теннис

Гаэль Монфис баҳсни якунига етказа олмади

Дунёнинг 11-ракеткаси бўлиб турган Гаэль Монфис Венада ўтказилаётган турнирнинг илк даврасидаёқ мағлубиятга учради.

Аниқроғи, франциялик теннисчи ATP рейтингида 15-поғонадан жой олган испаниялик Пабло Карреньо-Бустага қарши учрашувни якунига етказа олмади. Учрашув 39-дақиқада тўхтатилди. Ҳисоб 6/1, 2/0, Буста фойдасига бўлиб турган бир паллада Монфис курашни давом эттира олмаслигини маълум қилди.

Ўзаро учрашувларда Пабло илк бор ғалабага эришди. Энди Erste Open турнирининг иккинчи даврасида Жанубий Африка Республикаси вакили Кевин Андерсонга қарши кортга чиқади.