Вена (ATP 500). Янник Синнер мавсумдаги 4-совринига эга чиқди

Дунёнинг иккинчи ракеткаси ҳал қилувчи финал учрашувида ATP рейтингида 4-ўринни эгаллаб турган германиялик Александр Зверевни уч сет натижасига кўра иродали тарзда мағлубиятга учратди - 3/6, 6/3, 7/5. Бу билан Янник теннисчиларнинг ўзаро учрашувларидаги ҳисоб мувозанатини ҳам тиклаб қўйди - 4:4. 

Икки соату 28 дақиқа давом этган баҳсда иккала теннисчи ҳам бир хилда - 11 тадан эйс зарбасини амалга оширишди. Бу италиялик теннисчининг фаолиятидаги 22, мавсумдаги 4-соврини бўлди. Синнер 2023 йилда ҳам Вена турнирида чемпион бўлганди. 

Чемпион Янник Синнер 500 рейтинг очкоси ва 511 835 евро мукофот пулига ҳам эга чиқди. Зверев эса бир ҳафталик меҳнатидан 330 очко ҳамда 275 390 € ишлаб олди.