08 июн 16:59
Янгиликлар
Гандбол
Гандбол. Ўзбекистон U-20 қизлар терма жамоасининг Жаҳон чемпионатидаги рақиблари маълум
19-30 июнь кунлари Шимолий Македониянинг Скопье шаҳрида гандбол бўйича 20 ёшгача бўлган қизлар ўртасида XXIV Жаҳон чемпионати ўтказилади.
Мундиалда Ўзбекистон U-20 қизлар терма жамоаси ҳам иштирок этади.
Қуръага кўра, гандболчи қизларимиз илк босқичда G гуруҳида Португалия, Черногория ва Гвинея терма жамоаларига қарши баҳс олиб боради.
Терма жамоамизнинг гуруҳ босқичидаги тақвими:
19 июнь. Черногория – Ўзбекистон
21 июнь. Ўзбекистон – Португалия
22 июнь. Гвинея – Ўзбекистон.
Маълумот учун, мусобақада жами 112 та учрашув ўтказилади. Дастлабки босқичда беш қитъанинг 32 терма жамоаси 8 гуруҳда ўзаро беллашади. Гуруҳ босқичи 19-22 июнь кунлари ўтказилса, асосий босқич ва Президент кубоги ўйинлари 23-25 июнга мўлжалланган.
Чорак финал 27 июнга, ярим финал 28 июнга, шунингдек, 3-4, 5-6 ва 7-8 ўринлар учун учрашувлар ва финал 30 июнга белгиланган.
Ҳавола :
Фикрлар