Гандболчиларимиз Италияга жўнаб кетишди

Терма жамоамиз аъзолари сафар олдидан сўнгги ўқув-машғулот йиғинини Андижон шаҳрида ўтказишди. Улуғбек Икромов ва Зафар Азимов шогирдлари халқаро турнирга муносиб тарзда тайёргарлик кўришди.

Маълумот учун, эртага 21 ёшгача бўлган Ўзбекистон қизлар терма жамоаси Россия федерацияси пойтахти Москва шаҳрида ўтказиладиган жаҳон чемпионатида иштирок этиш учун йўлга чиқишади. Йилнинг ушбу нуфузли мусобақаси айнан 2 июль куни старт олади.

Қўл тўпи усталаримиз қуръа натижасига кўра “А” гуруҳидан жой олишган. Қизларимиз ўз гуруҳларида Венгрия, Норвегия, Мўғулистон, Ангола ҳамда гандбол ватани ҳисобланган Дания терма жамоаларига қарши баҳс олиб боришади.

Эслатиб ўтамиз, Ўзбекистон аёллар терма жамоаси 1997 йили Германия, 2014 йили Македонияда ўтказилган жаҳон чемпионатиларида ҳам иштирок этганди.