04 окт 15:51
Янгиликлар

Теннис

Гарбин Мугуруса "Ролан Гаррос"даги иштирокини якунлади

Франция пойтахти Париж шаҳри мезбонлик қилаётган "Катта Дубулға" туркумига кирувчи "Ролан Гаррос" турнири ўзининг қизғин палласига кириб бормоқда.

Аёллар ўртасидаги баҳсларда кутилмаган натижалар қайд этиляпти. Сайёрамизнинг 15-ракеткаси Гарбин Мугуруса тўртинчи давра остонасида юришини тўхтатди.

Испаниялик теннис маликаси 2 соату 26 дақиқа давом этган учинчи босқич учрашувида рейтингнинг 57-поғонасида бораётган америкалик Даниэль Коллинзга имкониятни бой бериб қўйди - 5/7, 6/2, 4/6.

Коллинз Франция Очиқ чемпионатининг 1/8 финалида тунислик Онс Жаберга қарши кортга чиқади.