Генри Cехудо: «Хамзат Чимаев сув устида юра оламан деб ўйлайди»

Гилберт Бернс билан кечган оғир жангдан сўнг Хамзат Чимаев ярим ўрта вазн тоифасидаги Камару Усмандан камарни олиш ғоясидан воз кечиб, бор эътиборини ташкилотнинг ўрта дивизионидаги фаолиятига қаратиши керак, деб ҳисоблайди собиқ UFC чемпиони Генри Cехудо.

«Бу ажойиб жанг бўлди, лекин агар Чимаев чиқиб, Усман билан шундай жанг қилса, у катта муаммога дуч келади. Биз унинг қандай қилиб оддий одам бўлиб қолганини кўрдик. Чимаев сув устида юра оламан деб ўйлагани учун бу сабоқни камтарлик билан олиши керак эди, бунга қисман биз ҳам айбдормиз - у ҳеч нарсани исботламасидан олдин уни шоҳсупага қўйдик. Бу биринчи марта у энг яхши рақибга қарши жанг қилди ва кўп одамлар бу жангдаги ғалабани Гилберт Бернсга беришди. У ютқазишга яқин эди. Мен ҳали ҳам уни ярим ўрта вазн учун жуда катта деб ҳисоблайман. Ўйлайманки, ўрта вазндаги Чимаев ярим ўрта вазндаги Чимаевдан анча хавфлироқ», - деди Генри.