Гейниш ва Чигирёв эртага тонгда Жаҳон чемпионатининг қисқа дастурида иштирок этади

Аввал ҳам хабар берганимиздек, дунё биринчилигида жуфтлик йўналиши бўйича Ўзбекистон терма жамоаси аъзолари Екатерина Гейниш ҳамда Дмитрий Чигирёв ҳам иштирок этади. 

Бугун турнирнинг илк куни доирасида аёллар ва жуфтлик йўналишидаги қисқа дастур беллашувлари ташкил этилади. Вакилларимизнинг чиқиши Тошкент вақти билан 27 март куни тонгги 03:30 дан кейин бошланади. 

Жуфтлик йўналишида Гейниш ва Чигирёвдан ташқари 16 та терма жамоанинг 23 жуфтлиги ғолиблик учун кураш олиб боради. Мазкур дастурдаги амалдаги чемпионлар Канада вакиллари — Дианна Стеллато-Дудек ҳамда Максим Дешам ҳисобланади.

Қисқа дастурда 23 та жуфтлик иштирок этса-да, уларнинг 16 та энг яхши натижа қайд этганлари эркин дастурда ҳам чиқиш қилиш имкониятини қўлга киритади.