Головкин бошчилигидаги World Boxing эркаклар боксидаги "шлем"ларни қайтармоқчи

Эркаклар ўртасида бокс мусобақаларини ўтказиш ҳолатлари ва уларнинг боксчиларнинг мусобақаларни якунлаш қобилиятига таъсири ҳақидаги хавотирлар туфайли Ижроия кенгаши Спорт ва мусобақалар қўмитасига ушбу масалани ва эркаклар ўртасидаги элита мусобақаларида ҳимоя шлемларини қайта жорий этиш имкониятини ўрганишни топширди. Қўмита бу йилги Конгрессда овоз бериш учун ҳисобот ва таклиф тайёрлайди.

Бутунжаҳон бокс федерацияси Ижроия кенгашининг навбатдаги йиғилиши 30 июль куни Шотландиянинг Глазго шаҳрида бўлиб ўтадиган Ҳамдўстлик ўйинлари доирасида ташкил этилади", - дейилади расмий хабарномада.

Шунингдек, 2026 йил 20 ноябрда Панама-Сити шаҳрида бўлиб ўтадиган World Boxing Конгрессида икки вице-президент ва учта ижроия қўмиталари раислари сайланади.

2025 йил ноябрь ойида Римдаги Конгрессда ташкилот президенти этиб сайланган қозоғистонлик Геннадий Головкин Лос-Анжелесдаги Олимпия ўйинларига тайёргарлик кўриш даврида 2028 йилгача федерацияни бошқаради.