21 сен 13:22
Янгиликлар

Бокс/ММА

Головкин IBO камарини кейинги жангидаёқ қайтариб олиши мумкин

Геннадий Головкин профессионал бокснинг ўрта вазн тоифасида етти йил давомида IBO чемпиони бўлиб келган.

Қозоғистонлик боксчи ана шу ўтган давр мобайнида 17 маротаба чемпионлик камарини муваффақиятли ҳимоя қилган. Халқаро бокс ташкилоти (IBO) президенти Эд Ливайн Головкинга яна бир бор ушбу йўналишда чемпион бўлиш имкониятини тақдим этди.

Аниқроғи, Сауль “Канело” Альварес ташкилот олдидаги мажбуриятларини бажаришдан бош тортгани учун мексикалик боксчи IBO чемпионлик камаридан маҳрум қилинди. Энди Головкин вакант бўлиб қолган ушбу камарни навбатдаги жангидаёқ қўлга киритиши мумкин.

Эслатиб ўтамиз, Геннадий Головкин 2011 йилнинг 9 декабрь куни америкалик Лахуан Саймонни мағлубиятга учратиб, IBO чемпионлик камари соҳибига айланганди. Шу йилнинг 16 август куни эса Альваресга имкониятни бой бериб, камарсиз қолган эди.