26 май 11:17
Янгиликлар

Бокс/ММА

Головкиннинг промоутери: Шартнома деярли тайёр!

Ўрта вазн тоифасида учта йўналиш бўйича жаҳон чемпиони Геннадий Головкиннинг промоутери Том Леффлер мексикалик Сауль “Канело” Альварес билан реванш жанги юзасидан музокаралар деярли якунланганини маълум қилди.

Маълумотда айтилишича, жанг сентярь ойида бўлиб ўтади. Айнан ўша пайтда Альвареснинг ярим йиллик дисквалификация муддати якунланади. Томонлар янги шартнома имзолашмайди. Май ойида ўтказилиши керак бўлган жанг шартномаси шунчаки сентябрь ойига ўзгартирилади.

“Мен доимий тарзда Golden Boy промоутерлик компанияси президенти Эрик Гомес билан алоқадаман. Икки промоутерлик компанияси такрорий жангнинг ўтказилишига тайёр. Энди ҳамма гап боксчиларнинг шартнома бандларини ўзаро келишиб олишида қолди”, — деди Леффлер.