Grand Prix Upper Austria. Бугун оғир вазнли дзюдочиларимиздан ҳам медаль кутамиз

Бугун мусобақанинг сўнгги куни оғир вазн тоифасида беллашувлар ташкил этилади. Эркаклар -90, -100, +100 кг, аёллар эса -78 ва +78 кг вазн тоифаларида турнир медаллари ҳамда жаҳон рейтинги учун бериладиган баллар учун татамига чиқишади. 

Охирги кун баҳсларида терма жамоамизнинг уч нафар вакилига мухлислик қиламиз. +100 кг вазн тоифасида иштирок этаётган Париж-2024 Олимпиадаси совриндори Музаффарбек Тўрабоев илк даврада австриялик Мовли Борчашвилига қарши баҳс олиб боради. Бу жуфтлик ғолибини иккинчи даврада Олимпия ўйинларининг кумуш медали соҳиби, жаҳон ва Европа чемпиони грузиялик Гурам Тушишвили кутиб турибди. 

Дзюдочиларимизнинг илк даврадаги учрашувлари:

+78 кг: Ирисхон Қурбонбоева - Ҳелена Вукович (Хорватия)   

+100 кг: Музаффарбек Тўрабоев - Мовли Борчашвили (Австрия)

+100 кг: Шоҳруҳхон Бахтиёров - Шалва Гурешидзе (Грузия)/Жантилек Нуртилепули (Қозоғистон)