Грецияда "Челленжер" турнири бошланди, Ҳумоюн Султоновда муваффақиятли старт

Мукофот жамғармаси 54 000 еврони ташкил этувчи мазкур мусобақада ҳамюртимиз Ҳумоюн Султонов ҳам иштирок этмоқда. У мусобақада 3-рақам сифатида сараланган. 

Теннисчимиз бугун мусобақадаги илк ўйинини ўтказди. Ушбу босқичда ҳамюртимизга литвалик Рикардас Беранкис рақиб бўлди. 1 соат 9 дақиқа давом этган ўйинда ҳамюртимиз 6:2, 6:2 ҳисобида ғалабага эришди. 

Таққослаш учун, Ҳумоюн айни пайтда дунё рейтингида 218, Беранкис эса 291-ўринни эгаллаб турибди. 

Энди теннисчимиз эртага 1/8 финалда италиялик Федерико Синага (557) қарши баҳс олиб боради.