Григор Димитров ғалаба билан бошлади

Дунёнинг 19-ракеткаси, болгариялик Григор Димитров Нью-Йорк турнирининг биринчи даврасида ғалабага эришди. У 1 соату 24 дақиқа давом этган баҳсда рейтингнинг 42-поғонасидан жой олган франциялик Уго Умбердан устун келди - 6/3, 6/4.

Бу икки теннисчининг ўзаро ўтказган иккинчи учрашуви эди. Дастлабки баҳсда ҳам айнан 29 ёшли Григор зафар қучганди. Димитров Western & Southern Open турнирининг иккинчи даврасида словакиялик Норберт Гомбошни 6/3, 6/4 ҳисобларида мағлуб этган венгриялик Мартон Фучовичга қарши кортга чиқади.