01 окт 18:55
Янгиликлар

Футбол

Гризманн "Атлетико" тарихидаги ушбу натижага эришган илк футболчига айланди

Рекорд Чемпионлар лигасининг иккинчи туридан ўрин олган Франкфуртнинг “Айнтрахт”ига қарши ўйин (5:1)да қайд этилди.

Мадриднинг “Атлетико” клуби ҳужумчиси Антуан Гризманн клуб тарихида 200 та гол урган биринчи футболчи бўлди, деб хабар берди клуб расмий сайти. Франциялик форвард 45-дақиқада муҳим голни урди.

Шу тариқа, Гризманн Мадрид клуби тарихидаги энг яхши тўпурар ҳисобланади. Гризманн ушбу натижага эришиши учун Мадрид жамоаси сафида жами 454 та учрашувда иштирок этган. Шунингдек, франциялик футболчининг ҳисобида 93 та голли узатма ҳам бор.